Gastroezofagial reflyuks kasalligi

      Gastroezofagial reflyuks kasalligi (GERK) – qizilo’ngachga oshqozon va o’n ikki barmoqli ichak saqlamasining qaytishi (sachrashi) natijasida rivojlanadigan o’zgarish. Gastroezofagial reflyuks kasalligi ovqat hazm qilish tizimining eng keng tarqalgan patologiyalaridan biri bo’lib, u ko’plab asoratlarni rivojlanishiga sabab bo’ladi va bemorlarning hayot sifatini sezilarli darajada yomonlashtiradi. Hayot uchun xavfli asoratlarni rivojlanish xavfi yuqori bo’lganligi va ko’pincha atipik kechishi sababli bu kasallik zamonaviy gastroenterologiyaning eng dolzarb muammolaridan biri hisoblanadi.

      Kasallikning doimiy o’sishi GERK rivojlanish mexanizmlarini to’liq o’rganishni talab qiladi.

      Reflyuks bemorning jigíldon qaynashi bilan namoyon bo’ladi. Agar jig’ldon qaynashi muntazam ravishda sodir bo’lsa (haftada 2 martadan ko’proq), bu GERK mavjudligiga ishora qiladi va tibbiy ko’rikdan o’tishni talab qiladi. Uzoq vaqt davom etuvchi surunkali reflyuks surunkali ezofagitga, keyinroq esa pastki qizilo’ngach shilliq qavati tuzilishining o’zgarishiga va Barrett qizilo’ngachining (saratondan oldingi holat) shakllanishiga olib keladi.

      Kasallikning rivojlanish ehtimoli stress, chekish, semizlik, tez-tez homiladorlik, diafragma churrasi va dori-darmonlarni qabul qilish bilan ortadi.

      GERKni aniqlash va qizilo’ngach devoridagi morfologik o’zgarishlarni aniqlashning asosiy diagnostik usuli ezofagogastroduodenoskopiya hisoblanadi.

      GERKning eng tez-tez uchraydigan (30-45% hollarda) asoratlari reflyuks ezofagitining rivojlanishi – pastki qizilo’ngach shilliq qavatining yallig’lanishi bo’lib, devorlarining oshqozon suyuqligi tomonidan muntazam ravishda kuydirishi natijasida yuzaga keladi. Shilliq qavatning ülseratif-eroziv shikastlanishi va ularning keyingi bitishi natijasida qolgan chandiqlar strikturaga – qizilo’ngach torayishiga olib kelishi mumkin.

      Qizilo’ngach devorining uzoq muddatli yallig’lanishi yara shakllanishiga olib kelishi mumkin. Qizilo’ngach yarasi ko’pincha qon ketishiga olib keladi. Uzoq muddatli gastroezofagial reflyuks va surunkali ezofagit qizilo’ngach shilliq qavatining degeneratsiyasiga, ya’ni Barrett kasalligiga olib keladi. Bu rakdan oldingi holat bo’lib, bemorlarning 2-5 foizida adenokarsinoma (qizilo’ngach saratoni) – epiteliyning xavfli o’smasi rivojlanadi.

      Gastroezofagial reflyuks kasalligini dori bilan davolash gastroenterolog tomonidan amalga oshiriladi. Terapiya 5 dan 8 haftagacha davom etadi (ba’zida davolash kursi 26 haftagacha davom etadi).

      GERK uchun konservativ terapiya samarasiz bo’lgan hollarda (taxminan 5-10% hollarda), asoratlar yoki diafragma churrasi rivojlansa, jarrohlik davolash amalga oshiriladi. Quyidagi jarrohlik aralashuvlar qo’llaniladi: endoskopik va laparoskopik usullar.

      Kasmed klinikasida operatsiyalar zamonaviy asbob-uskunalar bilan 30 yildan ortiq ishlash tajribagasiga ega yuqori malakali jarrohlar tomonidan yuqori texnologiyali uskunalar yordamida amalga oshiriladi.

      Kasmed klinikasiga murojaat qiling, biz sizga gastroezofagial reflyuks kasalligidan xalos bo’lishga yordam beramiz! Siz og’riqlarni va jigíldon qaynashini unutasiz! Kasallik asoratlari rivojlanishiga yo’l qo’ymang! O’z sohasidagi professionallarga ishoning!